عمرو أديب ينتقد انتخابات مجلس النواب: الناس عاملة دعاية ليه؟

انتقد الإعلامي عمرو أديب، المشهد السياسي لـ انتخابات مجلس النواب المقبلة، مشيرًا إلى ضعف المنافسة في الانتخابات.

وقال أديب، عبر برنامجه «الحكاية» بقناة «إم بي سي مصر»، مساء الأحد: «إحنا انتخابات مجلس النواب عندنا كمان أسبوعين، أكثر من 500 نائب داخلين المجلس، فين؟! أين الانتخابات؟!»

وأضاف: «إحنا موجودين في انتخابات فيها قائمة واحدة، وفي الفردي كل فيها اتفاق وهندسة سياسية، أنا لا أتحدث عن أشياء غير قانونية، كل ما يحدث قانوني، ولكن أين المنافسة؟! وأين البرامج؟!».

وتابع: «الناس اللي عاملة دعاية عاملة دعاية ليه؟! هذه اللافتات اللي مصرف فيها ملايين، وهذا الإشاعات عن دفع أموال عشان يترشحوا في قوائم أو أحزاب أرقام مذهلة. لسه متكلمين عن سيدة فاضلة دفعت 70 مليون عشان تدخل البرلمان… دي اشاعات عشان كلامي يبقى واضح».

وأكمل أديب: «أتمنى أن تكون هذه الانتخابات آخر انتخابات بهذا الشكل، خلاص اضطريت المرة دي والمرة اللي قبلها واللي قبل اللي قبلها، اعمل بقى تجربة ديمقراطية راسخة، سيب الناس تطلع، خلي الأحزاب تتحرك، اعمل كوادر سياسية، مش بحلم نبقى زي أمريكا!».