حاز الفنان عمرو سعد، على اهتمام فئة كبيرة من الجمهور عبر منصات التواصل الاجتماعي خلال الساعات القليلة الماضية، وذلك بعدما كشف عن سر حرصه على ركوب وسائل النقل العام حتى وقتنا الحالي.
عمرو سعد يكشف عن سر في ركوبه «الميكروبصات»
وقال عمرو سعد، خلال لقاء له ببرنامج «أسرار النجوم»: «أنا لحد فترة قريبة كنت ممكن أنزل وأركب في ميكروباص أو أتوبيس مهما إن كانت ردود الأفعال علشان آخد الطاقة لأن احنا لما بنتعود على نعمة ربنا ممكن ننسى فبفكر نفسي وأروح أزور السيدة زينب وأدخل على الرغم من المشاكل اللي بتحصل بسبب الأمن».
وأضاف عمرو سعد: «ساعات ألبس كاب وأفضل ماشي فترات طويلة في الشارع في أماكن فقيرة جدا من غير ما حد يحس واتفرج على المباني والناس والحيطان لأن دي مصر الحقيقية، وده بيخليك موجود على الأرض أكتر من السوشيال ميديا وأنا مش قادر أتخلص من هذا الفعل».
عمرو سعد وتقديم فيلم «اللص والكلاب»
وعلى جانب آخر، أشار عمرو سعد، إلى رغبته في إعادة تقديم فيلم «اللص والكلاب»، قائلا: «كنت عايز أعمل مسلسل اللص والكلاب، شخصية سعيد مهران، وكنا بنرشح حد مهم جدا لـ «فاروق علوان»، وهعمله فيلم، وخدت الحقوق».
وعن المقارنة بين العملين، أكد عمرو سعد: «مش خايف من المقارنة، بتتعمل في أمريكا وناس كتير متعرفش أنه اتعمل ومشفتش الفيلم، الموضوع كله في رواية نجيب محفوظ، أنت تقدر إنك تقدم عمل ناجح وينجح تاني، بس بتقنيات دلوقتي وإنتاج دلوقتي، تخيل لو مطاردة اتعملت دلوقتي».
فيلم اللص والكلاب
جدير بالذكر، أن الفيلم مأخوذ عن رواية «اللص والكلاب» للكاتب العالمي نجيب محفوظ، وعرض لأول مرة في عام 1960 بطولة الفنان شكري سرحان والفنانة شادية، ودارت أحداثه حول سعيد مهران الذي يدخل السجن بفعل وشاية يقوم بها رجل اسمه عليش الذي تزوج من زوجة سعيد بعد تطليقها منه.
وينطلق سعيد مهران فى رحلة مطاردة مليئة بالغضب والارتباك لاستعادة كرامته المفقودة، لكنه يجد نفسه مطاردًا من الشرطة ومخذولًا من المجتمع، لتتعمق عزلته تدريجيًا.
اقرأ أيضا:
منى زكي تتصدر التريند بمشاركتها كمنتجة في مهرجان هوليوود للفيلم العربي
محمد سامي يثير الجدل بصورة سيارته الجديدة الفارهة.. والتعليقات تنهال على حسابه الشخصي
مسلسل إفراج الحلقة 25.. عباس يقترح عمل صدقة جارية على روح عمه ويخطط لفضح شداد