أكد المنتج هاني محروس، أنه بذل مجهودا كبيرا من أجل أن تخرج أغنية «سطلانة» بهذا الشكل الرائع لتحقق صدى واسعا لدى الجمهور، معبرا عن سعادته باستخدامها في المسلسل العالمي Malcolm In The Middle.
وقال هاني محروس، أثناء مداخلة هاتفية ببرنامج «اليوم هنا القاهرة» على قناة مودرن: «من 2023 والأغنية دي بتفرح شعوب وناس كتير وهي حاجة تفرح الواحد جدًا إن انت تعمل حاجة تجيب بهجة وسعادة للناس.. الأغنية دخلت في أعمال كتيرة جدًا آخرها المسلسل العالمي الأمريكي، حاجة تفرحني جدًا إن بعد ما تتعب وتشقى تلاقي ربنا بيديك نجاح».
وأضاف: «الأغنية نجحت بعد شهر و10 أيام من نزولها وجابتلي اكتئاب.. قعدت شهر و10 أيام مش عارف أشتغل، كنت زعلان جدًا عشان خدت مجهود كبير جدًا عشان نعمل كلام والشكل واللحن ده، وأقدم تحية لمصطفى حسن الشاعر وكريم عاشور الملحن».
وكشف هاني محروس، أن الشركة المنتجة للمسلسل بالفعل تواصلت معه من أجل الحصول على حقوق الملكية الفكرية، متابعا: «تواصلوا مع الموزع اللي شغالين معاه وسألناهم الأغنية هتتحط إزاي في المسلسل؟ وهنديهم ترخيص للاستخدام إزاي؟ وكده كده لما حد من أوروبا ياخد منك حاجة دايمًا بيبقوا واخدين بالهم إن في حقوق ملكية فكرية ودي مفيهاش هزار.
وأوضح المنتج سبب نجاح الأغنية مع الجمهور الأجنبي: «أول حاجة إحنا عارفين الأغنية دي بتنجح ليه مع الأجانب غير إن المزيكا قريبة منهم.. كلمة أوه هما بيقولوها وبنسمعها في مباريات كرة القدم وكلمة «سطلانة» حروفها قريبة من لسانهم ولهجتهم، فبيعرفوا ينطقوها».
أغنية سطلانة
أغنية «سطلانة» من غناء عبد الباسط حمودة، حمدي بتشان، محمود الليثي، علي ربيع، أوس أوس، وحسن الخلعي، وظهرت لأول مرة في فيلم «بعد الشر».
اقرأ أيضاً«الحمدلله».. محمود الليثي معلقا على احتفالات الفلسطينين على أنغام «سطلانة»
عبد الباسط حمودة ينفعل على المصورين في عزاء زوجة عدوية (صور)
