أشعلت أغنية «يا مصر بتعمليها إزاي؟» لـ بهاء سلطان ومحمود العسيلي، مشاعر الوطنية منذ بداية طرحها ضمن إعلانات شهر رمضان الماضي، وازداد تداولها بشكل أوسع خلال الأيام الماضية تزامنًا مع مشاركة المنتخب الوطني في نهائيات كأس العالم 2026.
تفاصيل وكواليس أغنية «يا مصر بتعمليها إزاى؟»
وفي هذا السياق، كشف الشاعر خالد عصام صاحب أغنية «يا مصر بتعمليها إزاي» كواليس كتابتها والتي شهدت تعاونه مع الشاعرة منه القيعي، مؤكدًا أنه لم يتوقع أبدًا أن تحدث الأغنية كل هذا الصدى.
وخلال مداخلة هاتفية في برنامج «الستات ما يعرفوش يكدبوا» المذاع عبر قناة CBC، قال خالد عصام إن الجملة كانت فى الأصل سؤالًا كتبه داخل الأغنية، معربًا عن سعادته بنجاح الأغنية: «كنت مبسوط جدًا بالمنتخب، ومكنتش متخيل إن الجملة دى هتتحط فى كل حاجة تخص مصر، سواء فى الأفراح أو الكورة أو حتى المواقف الكوميدية».
وأضاف خالد عصام: «إحنا شعب مالوش كتالوج، وعايز يفرح بجد، وبيترجم فرحته بطريقته الخاصة فى كل حاجة»، مشيرًا إلى أن التعاون مع الشاعرة منه القيعي كان قائمًا على التفاهم والتناغم، وأنها لم تتردد فى الإشارة إلى أن جملة «بتعمليها إزاي» من كتاباته.
كلمات وألحان أغنية «يا مصر بتعمليها إزاى؟»
وتقول كلمات أغنية «يا مصر بتعمليها إزاى؟»: «وأخاف من إيه.. ما يأسي خلاص كسرت عينيه.. وعدت شدة ورا شدة ولا اتهديت.. وشاوروا الكل عليا وقالوا صعب يحل.. وقالوا كتير وانا بيكي كتير عديت.. زي كل مرة أجيلك أمشي.. حبة وأشتكيلك همي.. بيتوه في الشوارع اللي.. ماشي فيها نيلك.. والسؤال اللي في راسي ازاي.. يا مصر بتعمليها إزاي.. إزاي وأنا قلبي مش نساي.. والله حيرتيني.. دا انتي حتة مني.. وأنا حتة منك طبق الأصل.. وكفاية إني أمي وحبيبتي تبقي مصر.. حتى اسمك اللي شايله.. الدنيا بتعد في جمايله.. أه يا كنز لوحدي طايله بكل فخر.. أنا هفضل كل مرة أجيلك.. يا مصر بتعمليها إزاي.. هنا مصر وهنا قلبي.. هنا روحي بترجعلي.. هنا انا واقف ثابت جامد.. مهما يا دنيا تعاندي.. هنا مصر وهنا قلبي.. هنا روحي بترجعلي.. هنا انا واقف ثابت جامد.. مهما يا دنيا تعاندي.. دا انتي حتة مني.. وأنا حتة منك طبق الأصل.. وكفاية إني أمي وحبيبتي تبقي مصر».
اقرأ أيضاً«المتحدة» تبرز جمال مصر بأغنية «أنا ضهرك» لـ بهاء سلطان.. فيديو
إنتاج «المتحدة».. كلمات أغنية «بحبك يا حبيبتي يا بلدي يا مصر» لـ بهاء سلطان
بعد 21 عاما.. دويتو جديد لـ بهاء سلطان وشيرين عبد الوهاب قريبا