أشاد المخرج عمرو سلامة، بافتتاح المتحف المصري الكبير على طريقته الخاصة خلال الساعات القليلة الماضية، ذلك مع انطلاق حفل الافتتاح المقرر أن يقام غدا السبت الموافق لـ 1 نوفمبر.
وأعرب عمرو سلامة، عبر حسابه الرسمي بموقع تداول الصور والفيديوهات «إنستجرام»، عن سعادته بافتتاح المتحف الكبير، قائلا: «اليومين دول عندي إحساس بالفخر إني مصري، لكن لأسباب مختلفة وأنا صغير كنت متضايق قوي إن يكون مصدر فخرنا كمصريين فقط “التمحك” بحضارة أجدادنا المصريين القدماء».
كما أشار عمرو سلامة، قائلا: «فكرة “أحفاد الفراعنة”، وإحنا أصلا جينتنا دخل عليها ألف دخيل وغازي ومستعمر، وبقينا خليط من الرومان والعرب والتراكوة وغيرهم، ونكون بنفتخر بحاجة مش إحنا اللي أنجزناها، أنجزها ناس ماتوا من آلاف السنين زي إبن الأغنياء الفاشل اللي بيفتخر إن جده كان باشا وعيلته بنت أصول».
وأضاف عمرو سلامة: « كمان كنت بتضايق من الافتخار بنماذج تعد على الأصابع من بشر نجحوا بس علشان طلعوا برا أو علشان الغرب أبو عيون ذرقا إداهم صك النجاح بتقدير أو جائزة، لكن دلوقتي أنا فخور إني مصري، مش علشان حفيد حضارة عظيمة كبيرة وقديمة، لكن علشان إحنا بنعمل إيه دلوقتي بيها».
وأردف: «افتتاح المتحف المصري الجديد مصدر فخر، بعيدا عن مين بدأه ومين عمله ومين موله، فكرة إننا هنقدر تراثنا بشكل عصري ومهيب تستحق الفخر، وكمان أنا فخور بموقف الشعب المصري مع قضية كنا فاكرينها بتموت، تعاطف لا حدود له، ووعي، وصوت عالي بالتأكيد أثر في السردية العالمية بمقدار ما».
وكشف عمرو سلامة، عن شعوره بالفخر، قائلا: «أنا فخور حتى بكل فن أو طريقة تعبير طلعت من الشارع ومن قلب شباب ماستنوش ختم الإعلام الرسمي، عملوا أغاني وأفلام وستاند آب كوميدي ومحتوى، ومهما اتحاربوا بأشكال مختلفة عرفوا يبقوا مشاهير ومؤثرين من غير مؤسسات تدعمهم وعبروا عن جيل محدش كان معبره وإن الأجيال الصغيرة اللي كنا فاكرينهم لا مكترثين وأنانيين، عندهم جوهر منور جواهم، قادرين يعبروا عن نفسهم ومهتمين بشؤون تبعد عنهم آلاف الأميال».
اقرأ أيضا:
عمرو يوسف يكشف عن تعليق كندة علوش على برومو «السلم والثعبان 2»
بعد تعاونهم.. عمرو دياب يوجه رسالة لـ منة عدلي القيعي في أحدث ظهور
وسط أجواء مليئة بالبهجة.. اللقطات الأولى من زفاف المخرج هادي الباجوري من هايدي خالد| فيديو