شن محمد فضل، نجم الأهلي السابق، هجومًا لاذعًا على إدارة القلعة الحمراء، بسبب صفقة الأنجولي كامويش، الذي انضم لصفوف المارد الأحمر في يناير الماضي.
وتعاقد الأهلي مع كامويش في فترة الانتقالات الشتوية المٌنصرمة، لتدعيم الخط الهجومي بالقلعة الحمراء، الذي يعاني من الصيام التهديفي منذ رحيل وسام أبو علي للدوري الأمريكي.
وتتعرض إدارة الأهلي لانتقادات حادة بسبب المستوى المتدني الذي يقدمه اللاعب الإنجولي، حيث فشل كامويش في تسجيل أي هدف منذ انضمامه للقلعة الحمراء.
اللي بيحصل في الدوري المصري كارثة
وفي هذا الشأن قال محمد فضل في تصريحات إذاعية:«يعني إيه نادي يجيب لاعب أجنبي يقعد احتياطي، اللاعب الأجنبي مفروض يبقى إضافة للفريق لكني اللي بيحصل في الدوري المصري كارثة».
وأضاف: «كامويش، ده أنا مش مصدق أنه بيلعب في الأهلي، مفيش حد من الجمهور الأهلاوي متفق عليه، الناس دي مين اللي جابها».
مين المسئول اللي اختاره نفسي اعرف
وواصل: «مين اللي اختار كامويش، هل اللي اختاره اللجنة الفنية بالنادي الأهلي؟ ولا أسامة هلال، مدير التعاقدات؟ ولا سيد عبد الحفيظ، المسؤول عن ملف الكرة في الوقت الحالي؟ مين اللي اختاره؟».
وأضاف: «قبل كده من سنتين كان بيشيلها حسام غالي، كان في حد بيشيل، طيب دلوقتي مين اللي هيشيل مين اللي هيتحاسب؟ مفيش، أنا متهيألي إن سيد عبد الحفيظ، المسؤول عن ملف الكورة بتفويض من الكابتن الخطيب، لظروف مرضه، لو الكلام ده حقيقي لازم في ناس تطلع تقول».
وأتم: «اطلع قول مين اللي جاب اللعيب، الناس كلها عايزة تعرف مين اللي جابه، ده مش مهاجم النادي الأهلي».
اقرأ أيضاًتعرف على ترتيب الدوري الممتاز قبل مباراة الأهلي والجونة
تشكيل الأهلي المتوقع ضد الجونة في الدوري الممتاز.. «كامويش» يقود الهجوم
عمرو الجزار يبدأ التأهيل ويغيب عن مواجهة الجونة في دوري الممتاز