كشف مجدي عبد الغني، نجم الأهلي ومنتخب مصر السابق، موقفه من الترشح لانتخابات النادي الأهلي في المستقبل.
وقال مجدي عبد الغني في تصريحات إذاعية عبر برنامج «النجوم في رمضان»: «أنا لن أخوض انتخابات الأهلي إطلاقا، العملية مبقتش انتخابات وأنا مش عايز اللعبة دي».
وأضاف: «أنا مبروحش الأهلي خالص، معنديش وقت ومحبش أروح مكان مش مرتاح فيه، أنا نجم كبير في الأهلي غصب عن التخين، ومش بيتم دعوتي لأي مناسبة ودا تقصير من المسؤولين وبيقلل منهم ويقزمهم مش مني أنا، ببعت حد بس يجدد الاشتراك وخلاص».
وعن الخطيب، أكد مجدي عبد الغني: «هيديكوتى قرر سنة 89 إن الخطيب يبقى كابتن الأهلي ومفيش أقدمية، وحصل ثورة بسبب القرار دا، لأننا طول عمرنا ماشين على نظام، مينفعش لاعب عشان حريف يبقى الكابتن، إحنا لعبة جماعية مش لعبة فردية وفى نظام أقدمية، ووقتها لو حسن حمدي موقفش للموضوع دا كان الأهلى وقع».
وأتم: «ياسين منصور ناجح في كل المشروعات التي دخلها وانا بحبه ونفسى يبقى رئيس الأهلي، هو بيجيب فريق عمل يشتغل معاه، مش بياخد كل حاجة ليه هوا وبس».
ويستعد الأهلي لخوض سباق استعادة لقب دوري أبطال إفريقيا، عندما يحل ضيفًا ثقيلًا على الترجي في دور ربع النهائي من المسابقة الإفريقية.
مجدي عبد الغني يهاجم مسؤولي الأهلي بسبب حسام غالي: «صاحب قرار وطلعوه خاين»
مجدي عبد الغني: غرفة ملابس الأهلي «بايظة».. والنفوس فيها مش «سالكة» مع بعض
مجدي عبد الغني: من وقت تعاقد الأهلي مع زيزو والدنيا اتقلبت في أوضة اللبس