أكد الإعلامي مصطفى بكري، أن هناك حالة قلق مستمرة منذ ديسمبر الماضي بسبب توقف صرف المعاشات لعدد من المواطنين، من بينهم أصحاب المعاشات الجدد والمستحقين وأصحاب العجز.
وقال بكري خلال برنامج حقائق وأسرار المذاع على قناة صدى البلد: «من شهر ديسمبر اللي فات لحد اليوم، ناس كتير عايشة في قلق بسبب توقف المعاشات، ناس خرجت معاش بعد سنين خدمة، وناس مستحقة معاش أهاليهم، وبعد ما يخلصوا كل الإجراءات، يفاجئوا إن المعاش واقف بسبب السيستم اللي واقع».
وأضاف: «كلمة صغيرة لكن أثرها كبير «السيستم واقع في مشكلة تعالى الأسبوع الجاي»، طيب الناس تعيش إزاي؟ والمريض يجيب علاج منين؟ والأسرة تصرف منين؟».
وأوضح بكري: «المسألة ليست أرقاما على شاشة، إنما هي مسألة بيوت حقيقية وأناس يتألمون»، مضيفا: «أرملة بتستلف، ورجل كبير بيسأل كل يوم معاشه هينزل إمتى؟، وشاب مريض مستني حقه».
وأكد بكري أن الناس لا تعترض على التطوير والرقمنة، لافتا إلى أن أي تطوير لا يشعر بالناس يكون ناقص، فليس من المفترض أن يدفع المواطن ثمن أي عطل.
واختتم: «الناس تعمل إيه لحد الأسبوع الجاي؟ المريض يجيب علاج منين؟.. صاحب البيت ياخد إيجاره إزاي؟.. الأسرة اللي عايشة على المعاش ده تعيش منين؟.. الحكاية مش أرقام على شاشة ولا ملفات متأجلة على مكتب، أرملة كانت مستورة بمعاش جوزها بقت تستلف علشان تعرف تكمل الشهر».
مصطفى بكري يحذر من انتشار كتب «الإخوان» في الأسواق والمكتبات
عيد العمال.. مصطفى بكري: فرحة عمالية كبيرة بعد قرارات الرئيس السيسي اليوم
مصطفى بكري: نحن في مرحلة جديدة تضع فيها الدولة حقوق العمال على رأس أولوياتها