يسرا في حفل افتتاح مهرجان الأقصى
رامي نادي
أعربت الفنانة يسرا عن سعادتها الكبيرة بتأهل منتخب مصر لدور الـ 16 من بطولة كأس العالم 2026 مؤكدة أن أجواء الفرحة امتدت إلى مكان تصوير أعمالها، حيث توقف فريق العمل لمتابعة المباراة، مشيدة بما حققه لاعبو المنتخب والجهاز الفني بقيادة الكابتن حسام حسن.
وقالت يسرا في تصريحات عبر برنامج «الكابتن» مع الصقر أحمد حسن، المذاع على قناة dmc: «ألف مبروك لمصر وللوطن العربي ولينا كلنا، وربنا يديم الفرحة».
وتابعت: «احنا هنا في الشغل وقفنا تصوير واتفرجنا على الماتش والفرحة كانت عظيمة جدا، مش عارف أوصفها ازاي».
وأكملت: «فرحتنا عظيمة جدا وكمية فيديوهات وصلتني من جميع أنحاء الوطن العربي لم تحدث من قبل، أنا كنت هموت من الخوف في ركلات الجزاء وربنا جبرنا جبر كبير ورجالتنا هناك زي الفل ربنا يحميهم وريجعهم بالسلامة ومنصورين إن شاء الله».
وعن مواجهة الأرجنتين، قالت يسرا: «إن شاء الله احنا هنكسب الأرجنتين بإذن الله».
واختتمت برسالة شكر لـ الجهاز الفني واللاعبين، حيث قالت: «بشكر الكابتن حسام حسن والجهاز الفني واللاعبين والجميع، وفرحانين بيهم وفخورين بيهم ورافعين رأس مصر كلها ومهما نقول الكلام بيعجز عن التعبير عن الفرحة اللي جوانا، مفيش حد مش فرحان، الناس بتكلمنا من كل حته، ولو شوفت الميديا كلها بتحب مصر، احنا كوطن عربي بنحب بعض، وبنفرح لبعض».
