عبرت الفنانة داليا البحيري، عن حزنها لخسارة المنتخب المصري أمام نظيره الأرجنتيني ضمن منافسات دور الـ 16 لكأس العالم 2026، مشيرة إلى أن هناك مفاجآت حول خسارة المنتخب المصري.
تعليق داليا البحيري بعد خسارة المنتخب المصري
وفي هذا السياق، ونشرت داليا البحيري، عبر حسابها الرسمي بموقع «إنستجرام» مقطع فيديو من مباراة المنتخب المصري أمام الأرجنتين، وعلقت قائلة: «كانت ليلة صعبة أكيد علينا كلنا، ناس كتير أوي معرفتش تنام إحساس بالقهر والظلم، ولكن بالرغم من كل حاجة حصلت إمبارح ألف مبروك للمنتخب المصري الرجالة اللي شرفونا ورافعوا راسنا».
وأضافت داليا البحيري: «وروا العالم كله ان مصر قادرة على أنها تاخد كأس العالم، وتغلب الأرجنتين اللي كانت المفروض بطل العالم، أنا ماليش في الكورة أوي بس دايما بشجع مصر في الحاجات الكبيرة، بس اللي أنا فهمته أنه كان صعب جدًا نكسب أمبارح لأسباب مالهاش أي علاقة بالكورة».
وأشارت داليا البحيري، إلى المراهنات قائلة: «مكنش ينفع نكسب لأن في حاجة اسمها مراهنات بتحصل على الفرق وكله راهن على ميسي لأنه بطل عالم، فكان هيبقى في خسارة كبيرة بالملايين وطبعا هما مش هيسمحوا بده يحصل، ده غير العنصرية وأن ميسي هو الفتى المدلل للفيفا، ده كان فُجر كروي».
وتابعت: «الناس اللي بيفهوا في الكورة في العالم كله أتكلموا امبارح وعملوا تويتات، وأن اللي حصل كان سرقة لمصر، كفاية أن العالم كله إتكلم على أن قد ايه أحنا كنا نستاهل أننا نكسب ونتأهل، عايزة احيي مصطفى شوبير اللي هو كان بطل وحقيقي عمل ماتش خطير، أحنا فخورين بلاعبيتنا كلهم».
كما حرصت داليا البحيري، على دعم حسام حسن، قائلة: «كابتن حسام حسن أنت راجل وأنا احترامي ليك زاد كتير، وأنك ترفع علم فلسطين وردهم عليك أنك تتسرق بالشكل ده قدام العالم كله ده أكبر دليل على عنصريتهم، كفاية أن أحنا رعبناهم كسبنا إنسانيتنا وتعاطف العالم كله، بدعو الناس كلها تفرح من قلبها واللي يقدر يروح يستقبل فريقنا الوطني يعمل كده وميتأخرش».
اقرأ أيضاً«هتغيب».. مصطفى قمر يطرح أحدث أعماله في هذا الموعد
مواعيد عرض مسلسل للعدالة وجه آخر الحلقتين 6 و7 والقنوات الناقلة
«شكرًا على هديتك».. رسالة مفاجئة من زوج داليا البحيري لطليقها الراحل تثير تفاعلا واسعا