تحدث محمود أبو الدهب، نجم الأهلي السابق، عن المنافسة المشتعلة على لقب بطولة الدوري المصري خلال الموسم الكروي الجاري 2025-2026.
وتشهد بطولة الدوري منافسة غير مسبوقة بين الزمالك وبيراميدز والأهلي، على لقب الدوري، خاصة في ظل اقتراب النقاط بين الثلاثي قبل نهاية الموسم بجولة وحيدة.
وقال محمود أبو الدهب في تصريحات خاصة لـ بوابة «الأسبوع»:« طبعًا الزمالك الأقرب لحصد الدوري لإنه محتاج نقطة وحيدة، لكن الأهلي وبيراميدز عايزين هدية زملكاوية علشان يحصدوا اللقب».
وأضاف منتقدًا «توروب» مدرب الأهلي:« مدرب فاشل كان ممكن يكسب الدوري بسهولة، والأسماء اللي موجودة في الأهلي دي المفروض تلعب في كأس العالم للأندية، مش تنافس على الدوري فقط».
وبشأن الزمالك، قال:« الزمالك لو مكسبش الدوري والكونفدرالية الموسم ده، هيعتبر موسم فاشل حتى لو عنده أزمات، ومعتمد جمال مدرب عمل من الفسيخ شربات، لكن جماهير الزمالك معندهاش مبدأ وممكن تقلب عليه لو خسر البطولتين».
واستكمل: «النهاية الزمالك مكنش يحلم باللي وصل ليه في الدوري والكونفدرالية، بس بتمنى إنه يكسب الكونفدرالية علشان يقدر ياخد فلوس ويحل الأزمات اللي عنده، مش علشان بيمثل مصر لإنه بيمثل نفسه فقط».
وعن بيراميدز أكد محمود أبو الدهب:« بيراميدز بيظلم نفسه كل سنة، لكن هو مش نادي بطولات زي ما بيتقال عليه، وكان ممكن يكسبوا الدوري بسهولة الموسم ده».
ويحتل الأهلي المركز الثالث في جدول ترتيب الدوري المصري برصيد 50 نقطة، فيما يأتي الزمالك في الصدارة برصيد 53 نقطة، بينما يتواجد بيراميدز في الوصافة بواقع 51 نقطة.
