عادت بثينة، ابنة الفنان علي الحجار، لصدارة مؤشرات البحث عبر تريند «جوجل» ومنصات التواصل الاجتماعي من جديد خلال الساعات القليلة الماضية، وذلك بعدما كشفت تفاصيل فيديو «اشتموا أبويا».
وردت ابنة علي الحجار، من خلال بث مباشر عبر حسابها الرسمي بموقع التواصل الاجتماعي «فيسبوك»، قائلة: «أنا عايزة أتكلم عن الفيديو اللي انتشر عشان أوضح كذا حاجة، ومكنتش حابة الموضوع يكبر بالشكل ده، أنا كنت على طبيعتي في الفيديو ومعرفش ليه الناس دخلوا يقولوا عليا إني مفترية ومدمنة، أنا كنت بتكلم مع صحابي ».
وأضافت ابنة علي الحجار: «اللي أنا قولته ده كلام أنا للأسف حساه، وأكيد كان نفسي علاقتي تبقى كويسة مع أهلي أو بابا، ودي غلطة من عندهم وآسفة جدًا على الموضوع ده، بس متظلموش الناس وبتقولوا شكلي مدمنة».
وتابعت: «بطلوا افترى طب لو شكلي مدمنة ما تساعدوني، واللي بيقولوا روحي اشتغلي طب أنا مش لاقية شغل دلوقتي وتعبانة، ومريت بحاجات خلتني تعبانة أكتر ومحدش يعرف صحتي عاملة إزاي، ولا بابا كمان يعرف أي حاجة».
استكملت ابنة علي الحجار: «بطلوا تظلموا الناس، ولو مش هتساعدوا خلاص، واللي يقدر يساعد يجيب شغل يتفضل أنا بمثل وبكتب وبعرف أشتغل، وأتمنى إني آخد حقي».
تعليق علي الحجار على تصريحات ابنته
ومن ناحية أخرى، علق علي الحجار، في تصريحات خاصة لـ «الأسبوع» على اتهامات ابنته، قائلا: «مليش في لعبة الفضائح واستخدام اسمي في التريند، وبحمد ربنا على احترام الناس ليا وحب الجمهور».
تعليق طليقة علي الحجار على أزمة ابنتهم ووالدها
ومن ناحية أخرى، علقت الفنانة سحر حسن، طليقة الفنان علي الحجار، عبر حسابها الرسمي بموقع التواصل الاجتماعي «فيسبوك»، على أزمة ابنتها وهجومها على والدها، قائلة: «المواقع اللي عمالة تقزقز لب في سمعة البنت ووالدها، ده فيديو خاص لشابة بتفضفض مع صحابها في private account مش للسرقة ولا للنشر».
اقرأ أيضا:
بعد هجوم ابنته عليه.. علي الحجار لـ «الأسبوع»: «مليش في لعبة الفضائح»
في عيد ميلاده.. علي الحجار صاحب الحنجرة الذهبية الذي أطرب جمهوره
مايان محمود تمزج بين الطرب الأصيل والغناء الحديث بأسلوب مبتكر
