عاد اسم مطرب المهرجانات مسلم، لصدارة مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، وذلك بالتزامن مع استغاثة طليقته ووالدة نجله «ضحى» بتهربه من الإنفاق على طفله.
تعليق مسلم على استغاثة طليقته
وفي هذا السياق، خرج مسلم، عبر حسابه الرسمي بموقع تداول الصور والفيديوهات «إنستجرام»، عن صمته للرد على ادعاءات طليقته، قائلا: «لازم الناس تستغرب من اللي بيحصل معايا، أنا بتحارب».
وأضاف مسلم: «لو جبنا واحد مريض ومش عاقل هيعرف أن اللي بيحصل معايا ده مش طبيعي.. ماهو مش معقول الناس كلها ملائكة وأنا اللي شيطان، أنا مراعي شغلي ومركز فيه ومش مركز مع حد».
وأشار: «الناس اللي عاملة نفسها عائلتي دي ومني محدش له دعوة بيا، كلكم أسوأ من بعض، ولو طلعت اللي معايا محدش هيبص في وشها بس أنا عامل حساب لابني وهي كدا كدا كسفته باللي بتعمله».
واختتم: « أنا مش هرد غير بالقانون وهاخد كل الإجراءات القانونية ضدها وضد كل اللي شهروا بيا، وأنا سايب اللي يكتب يكتب، أعدلوا من نفسكم الأول وبعدين اتكلموا عن الناس، أنا ميشغلنيش كلام حد، وحسبى الله ونعم الوكيل في كل بني آدم ظلمني».
تفاصيل استغاثة طليقة مسلم
وكانت ضحى، طليقة مسلم، كشفت عن استغاثتها منذ يومين بعدم إنفاقه على نجله، بالإضافة إلى رفعها لقضية نفقة لطفلها.
واستغاثت ضحى، في لايف عبر حسابها الرسمي بموقع «إنستجرام»، قائلة: « قعدت سنتين أتحايل أن ابني يتصرف عليه، وكل حاجة معايا ليها إثبات، كنت بتحايل عليه يشوف ابنه ومفيش، رفعت قضية ووالدي اللي بيصرف عليا بسبب تأخير النفقة، والفلوس مش بتدفع شهر بشهره ولازم تنفيذ المحكمة يا إما يتهرب يا ينقل من مكان لمكان، كل 5 شهور باخد فلوس ويطلع عيني بمحايلات».
اقرأ أيضا:
مجدي الهواري يعلن عن بدء تصوير حكاية «بني مزار» ضمن مسلسل القصة الكاملة
لقاء الخميسي وروش عبد الفتاح ويمنى خطاب في لجنة تحكيم أفلام الجنوب بمهرجان أسوان
المخرج محمد عبد العزيز لـ «الأسبوع»: تكريمي فى المهرجان «أسعدني».. و«انتبهوا أيها السادة» أهم أفلامي
