إيمان يحيى إيمان يحيى، إستشاري نفسي إكلينيكي
إسمحولي قراءى الأعزاء التحدث بالعامية فى هذه المقالة
مش كل عياط دلع.. أوقات كتير بيكون قلق.
ابنك اللي ماسك في إيدك ومش عايز يسيبها قبل المدرسة، اللي بطنه بتوجعه كل صباح، اللي بيسأل «هترجعي امتى» 20 مرة.. ده طفل خايف.. مخه شايف خطر، حتى لو انتي مش شايفاه.
القلق عند الأطفال له 3 علامات بسيطة:
1. جسمه بيتكلم: أحيانا صداع، مغص.. «مش قادر آخد نفسي».
2. بيتهرب: مش عايز يروح التمرين، المدرسة، أو ينام لوحده.
3. بيطمن كل شوية: أسئلة متكررة عن كل حاجة.
تطمنيه إزاي في دقيقتين؟
1. صدقي خوفه: قولي «أنا شايفة إنك خايف» بدل «مفيش حاجة تخوف».
2. اتنفسوا سوا: شهيق من الأنف، زفير من الفم 3 مرات.
3. حطوا خطة: «لو خوفت هتعمل إيه؟» خليه هو يجاوب هروح للميس مثلا.
4. شجعى المحاولة: «برافو إنك دخلت الفصل وأنت خايف».
الطفل القلقان مش محتاج زعيق. محتاج حنان يطبطب ويقول «أنا هنا».
ولما تطمنيه النهاردة، هتزرعي جواه أمان يكفيه عمره كله.
حنانك مش دلع.. .حنانك علاج.
د.إيمان يحيى
استشاري نفسي إكلينيكي
اقرأ أيضاًاستشارية صحة نفسية تحذر: الحب المشروط من أخطر الأنماط التربوية
مجدي نزيه يحذر: لا تنساقوا وراء ترندات الأعشاب.. وليس كل ما هو طبيعي مفيد
من التوتر للسرطان.. استشاري صحة نفسية: ضغوط العمل تؤدي لأمراض مزمنة في هذه الحالات
