دعم الشاعر الغنائي تامر حسين، زميله الملحن عزيز الشافعي، بعد الانتقادات التي طالته مؤخرًا بسبب أغنية «بحرية» للفنان حماقي والفنانة شيرين عبد الوهاب، مؤكدًا ضرورة الاحترام المتبادل بين المبدعين والجمهور دون التجريح أو الإساءة.
تامر حسين يدافع عن عزيز الشافعي برسالة نارية
وكتب تامر حسين، عبر حسابه الشخصي بموقع «فيسبوك»: «أنا طبعًا شهادتي مجروحة في عزيز الشافعي، كصديق وكراجل مبدع سواء كمؤلف أو ملحن. التزمت الصمت لحد الفيديو بتاعه اللي عمله إمبارح، احترامًا لآراء الجمهور سواء اللي عاجبه أو اللي مش عاجبه».
وأضاف تامر حسين: «جميع الآراء تُحترم، وعزيز نفسه أكيد يتقبل ده بصدر رحب طالما في نطاق النقد الطبيعي والاحترام المتبادل دون التجريح في شخصه، ودي بتحصل معانا جميعًا. ممكن تتوفق في عمل، وعمل تاني ما يعجبش الناس. مفيش عداء بينا وبين الجمهور اللي ياما سقف لنا وشجعنا وكبّر أسامينا بثقته فينا وفي أعمالنا، ومقدر جدًا فكرة العشم الفني من الجمهور في المبدع اللي بيدعمه».
وواصل: «بس حقيقي في فرق شاسع بين نقد بناء يفيد المبدع ويرجعه لصوابه، وبين حد بينتقد بمنتهى القسوة، ما بيتعاملش معاك كبني آدم، يسب ويتجاوز ويلعن ويلغي تاريخك بالكامل ويختزله في عمل إنت مش موفق فيه بالنسبة له، أنا شايف إن عزيز كتب أغاني عظيمة كتير وكسرت الدنيا، آخرهم مش حبيبي بس وكلكوا خاينين، وقبلهم علامات، انت ما بتغبش، زي مانتي، خاصمت الشوارع، وتعالى أدلعك، ودي أغاني اتشهرت في الوطن العربي بالكامل».
وأنهى تامر حسين رسالته بقوله: «تاني وتالت ورابع بأكد إن المؤلف والملحن بيجيلهم المطرب عايز يسمع مجموعة أغاني يختار منهم اللي حابب يقدمه، المسؤولية مشتركة كمان مع المطرب اللي بيختار، مفيش مؤلف أو ملحن بيقرر ينزل مع مطرب بأغنية معينة بشكل منفرد، لأن المطرب زي المدير الفني لفريق كامل، عايز من كل مبدع حاجة معينة من خلال رؤيته الكاملة لألبومه، ممكن يبقى المبدع قدّم أغاني درامية أو أغاني دسمة، والمطرب شايف إنه محتاج منه نوع تاني أو أغاني أخف للصيف، ومش قصدي مطرب بعينه، ده اللي بيحصل معانا جميعًا حسب احتياج كل مطرب ورؤيته».
هجوم لاذع على عزيز الشافعي
وتعرض الملحن عزيز الشافعي لانتقادات لاذعة خلال الأيام الماضية، وذلك بعد تعاونه مع الفنانة شيرين في أغنية «بحرية» ومن قبلها عدد من الأغاني، معتبرين أنه أدخلها في مسار غنائي لا يناسبها ولا سيما وأنها اشتهرت باللون الرومانسي، ما جعل عدد من زملائه يخرجون للدفاع عنه وفي مقدمتهم النجمتان إليسا وكارول سماحة.
اقرأ أيضابعد انتقادات «بحريّة».. إليسا وكارول سماحة تدعمان عزيز الشافعي برسائل مؤثرة
بعد ساعات من طرحها.. «بَحريَّة» لـ شيرين وحماقي تقترب من نصف مليون مشاهدة
«بحريّة».. محمد حماقي وشيرين عبد الوهاب يطرحان ديو غنائي جديد
