جماهير الزمالك لسه بتحبني ومفيش مشاكل بيني وبينهم – الأسبوع

كشف محمود عبد المنعم كهربا، لاعب النادي الأهلي السابق، عن علاقته بجماهير نادي الزمالك، وذلك بعد الأزمة الشهيرة التي انتهت بدفع الغرامة لصالح القلعة البيضاء بسبب فسخ تعاقده مع الفارس الأبيض من طرف واحد.

وقال محمود عبد المنعم كهربا، خلال ظهوره في بودكاست «ملعبنا»: «جمهور الزمالك لسه بيحبوني وأنا بحبهم ومفيش مشاكل بيني وبينهم، ولعبت قدامهم ماتشين ومبقاش فيه حاجة».

وأضاف كهربا: «الناس اللي شتموني قولتلهم على راسي، وده الطبيعي، خلاص مهما تغلط فيا أنا كبرت واتعودت على كل حاجة، فمهما هتقول أنت على راسي وقول اللي أنت عاوزه».

وواصل:«مش كل الجمهور بيشتمني، ممكن واحد بس يطلع يشتم، وفي الماتش اللي فات قدام الزمالك واحد شتمني وأنا خارج، وناس كتير بعتولي الفيديو وقالولي اعمل فيه محضر».

وأشار كهربا إلى أنه رفض اتخاذ أي إجراء قانوني ضد المشجع، قائلًا: «لو عملت فيه محضر هيتحبس، لكن قولتلهم لا، ربنا يهديه أنا مش هأذيه، يمكن يكون متعصب بعد تعادل الزمالك وطلع غضبه كله فيا، وأنا هستحمله عادي».