أكد مصطفى عبد الرؤوف «زيكو»، لاعب منتخب مصر، أن مشوار الفراعنة في بطولة كأس العالم 2026، رغم انتهائه عند دور الـ16، إلا أنه يمثل بداية لحلم أكبر في المستقبل.
وودع منتخب مصر منافسات كأس العالم 2026، بعد الخسارة أمام الأرجنتين بنتيجة 3-2، في المباراة التي جمعت المنتخبين ضمن منافسات دور الـ16، على ملعب أتلانتا بالولايات المتحدة الأمريكية.
وكتب زيكو عبر حسابه الرسمي على موقع “إنستجرام”:«الحمد لله على كل حاجة وصلنالها.. يمكن المشوار وقف هنا، لكن اللي حصل عمره ما هيتنسي.»
وأضاف:«في البداية أحب أشكر سيادة الرئيس على دعمه واهتمامه بينا، وأشكر شعب مصر العظيم على وقفته معانا، وجمهورنا اللي كان مالي الاستاد من أول يوم لآخر لحظة.. دعمكم وثقتكم كانوا أكبر دافع لينا، وكنا بنحارب في كل ماتش علشان نفرحكم.»
وتابع:«فخور جدًا إني كنت جزء من البعثة دي، وفخور بكل راجل تعب وحارب وضحى، سواء لاعب أو جهاز فني أو جهاز طبي أو إداري أو سوشيال ميديا أو أي حد كان موجود معانا.. كل واحد كان ليه دور، وكل واحد عمل اللي عليه بكل إخلاص.»
وأكمل زيكو:«الحمد لله إن ربنا كرمنا ووصلنا لمكان يفرح كل مصري، حتى لو كان نفسنا نكمل المشوار أكتر.. وعد مننا، دي مش النهاية، دي بداية لحلم أكبر، هنشتغل أكتر ونتعلم من كل تجربة.»
واختتم لاعب منتخب مصر رسالته قائلًا:«إن شاء الله اللي وقفنا عنده النهاردة هنبني عليه، ونرجع نفرح مصر بإنجازات أكبر.. شكرًا لكل واحد آمن بينا ووقف في ضهرنا.. الحمد لله دائمًا وأبدًا.. وتحيا مصر.»
