النائب فريدي البياضي
سارة عبد الحميد
أكد النائب الدكتور فريدي البياضي، عضو مجلس النواب، أن الإنترنت ليس وسيلة رفاهية أو كماليات وإنما أصبح وسيلة حياة مثل الطعام والهواء، قائلا خلال مداخلة هاتفية ببرنامج «حضرة المواطن»، عبر فضائية «الحدث اليوم»، مساء الأحد: «الناس بتعيش بالإنترنت وبتشتغل وتذاكر عن طريق الإنترنت وتعقد اجتماعاتها وشغلها بأكمله على الإنترنت».. منتقدا الطريقة التي تتعامل بها شركات الاتصالات مع المواطن.
أسعار الإنترنت في مصر وأمريكا
وتطرق البياضي، إلى عقد مقارنة بين أسعار الإنترنت في مصر وأمريكا، قائلا: «كنت في أمريكا منذ أسبوعين، لو حسبت الخدمة والسرعة مقابل السعر، إحنا عندنا أغلى بكتير، مش بحسبها.. هما هناك بكام دولار وإحنا هنا بكام جنيه، إحنا قيمة مقابل سعر، عندنا أغلى بكتير، مع الفارق في مستوى المعيشة بين المواطن هنا والمواطن هناك».
وأضاف: «معندناش حاجة اسمها إنترنت غير محدود في مصر، وبعض الدول عندها إنترنت غير محدود، اللى بيستخدم كتير بيبقى إنترنت بلا حدود، بيدفع سعر أعلى، والإنترنت يبقى عنده مفتوح».
وتابع: «وبعدين مفيش حاجة في الدنيا اسمها أدفع 100 جنيه عشان أشحن بـ 90 جنيه وآخد رصيد بـ 50 جنيه، ده كلام عبث وتهريج، الأمور لازم تتراجع، والدولة والحكومة لازم تتدخل بشكل واضح، ويبقى تسعير مناسب للناس ويبقى في خدمة مش ممكن الناس من كل حتة تدفع فواتير «بالغلى والكوى» ومافيش حد يقف وينصر المواطن ويطلب حقه في أبسط الحقوق الأساسية».
وطالب النائب فريدي البياضي، الحكومة ممثلة في وزارة الاتصالات والجهاز القومي لتنظيم الاتصالات، التوجه إلى البرلمان، في لجنة الاتصالات المختصة، لمناقشة هذا الأمر، لتوفير قيمة وخدمة للمواطن مقابل سعر مناسب.
برلمانية تهاجم شركات الاتصالات: زيادة أسعار الإنترنت 15% كبيرة والخدمات غير جيدة «فيديو»
بعد تحريك أسعار الإنترنت.. «تنظيم الاتصالات» يتيح الوصول المجاني إلى المواقع الحكومية والتعليمية
