وجه هيثم عرابي، مدير التعاقدات السابق بالنادي الأهلي، رسالة عتاب إلى جماهير القلعة الحمراء، عقب تجديد عقد إمام عاشور مع الفريق حتى عام 2030.
وكان الأهلي أعلن رسميًا تجديد عقد إمام عاشور، ليستمر اللاعب ضمن صفوف القلعة الحمراء خلال السنوات المقبلة.
وكتب هيثم عرابي عبر حسابه الرسمي على موقع «فيسبوك»: «عندي عتاب على بعض الأهلاوية في موضوع إمام عاشور».
وأضاف: «فكرة إنك لحد دلوقتي بتناقش حد في موضوع إمام غريبة، أو بتحاول تثبت أي حاجة أغرب، الأول كان الكلام: إمام مش عايز يجدد، دلوقتي إمام جدد بمقابل مالي ضخم وعمل اللي هو عايزه، إنت بتناقش في إيه؟».
وتابع: «اللي بيتكلم مهما قلت مش هيقول إنك عملت حاجة صح أو كويسة أو نجحت تجدد لإمام».
وأوضح عرابي: «آه، التفاوض طول، وده طبيعي يحصل في أي تفاوض كبير، لكن في النهاية اللاعب كان ممكن يستنى، وبعد سنة يبقى فاضل له سنة واحدة في عقده، وساعتها موقفه في التفاوض هيكون أقوى وفرص رحيله أكبر لو ده اللي هو عايزه، لكنه جدد واختار يكمل».
وواصل: «وكعادة جمهور الأهلي، طول ما هو ماشي كويس، بيتصرف صح، ملتزم ومركز في الملعب، هيلاقي الدعم».
واختتم مدير التعاقدات السابق بـ الأهلي رسالته قائلًا: «الموضوع اتقفل، متديش لحد فرصة يفتح نقاشات تانية وتجاهل أي كلام في القصة دي، لأن النقاش هنا في أوقات كتير مش بيكون لمصلحة فريقك، على قد ما هو تشتيت وشوشرة مش مطلوبة، لا للاعب ولا للفريق».
واختتم: «إحنا محتاجين إمام مركز في الملعب، مش كل يوم يرد على قصة جديدة».
اقرأ أيضاًأيمن الرمادي يعلن تشكيل البنك الأهلي أمام الزمالك في الدوري المصري
«الدباغ» يقود تشكيل الزمالك لمواجهة البنك الأهلي في الدوري المصري
بعد انتقاله لـ مانشستر سيتي.. أيوب بوعدي يحطم رقم عمر مرموش ويعتلي صدارة أغلى اللاعبين العرب
